Plattdüütsch för de Groten
Dit Wikibook schall en Lehrbook för opwussene Lüüd wesen, de Hoochdüütsch köönt un geern Plattdüütsch lehren wüllt. De eersten Kapitels sünd Platt un Hoochdüütsch blangenenanner. Wenn de Grundlagen kloormaakt sünd, denn geiht dat alleen op Platt wieder.
Woveel vun dit Wikibook is al trech? -
Kapitels:
- Wat is dat - Platt?
- Grundlagen vun dat Luudsystem
- Eenfache Phrasen un Grundvokabeln
- De Tieden
- Eenfache Texten
- Mehr to de Grammatik
- Sworere Texten
- De Ünnerscheden twischen de Dialekten
Wat is dat - Platt?
Plattdüütsch is de Spraak vun Noorddüütschland. Ok in de Nedderlannen gifft dat Lüüd, de disse Spraak snackt. Plattdüütsch is anners as Hoochdüütsch un Engelsch to’n Bispeel kene Standardspraak. Disse Kurs bruukt en Plattdüütsch, dat för mööglichst veel Lüüd good to verstahn is. Dat is dat Noordneddersassische, so as dat in wiede Delen vun Meckelborg, Holsteen un in’n Noorden vun dat Bundsland Neddersassen verstahn warrt. Wenn een aver dat Platt vun en bestimmte Region lehren will, denn sünd dor vele Wöör anners. Welk Ünnerscheden kann een blots vör Oort lehren, annere folgt Regeln. Ene Översicht över disse Regeln warrt in Kapitel X vörstellt.